Прэм’ер Ірака: мы хочам, каб хрысціяне засталіся ў нашай краіне
Прэм’ер-міністр Ірака
Нуры аль-Малікі абвяргае міжнародныя абвінавачванні ў тым, што хрысціяне масава пакідаюць
гэтую краіну з прычыны тэрарыстаў. Ён адначасова запэўніў, што яго ўрад імкнецца пераканаць
паслядоўнікаў Хрыста заставацца ў краіне і жадае гарантаваць ім належную абарону і
ўмовы да жыцця. Ён дадаў, што ўсё грамадства Іраку спазнае праблемы, якія з’яўляюцца
вынікам дзейнасці Аль-Каіды.
ААН мае намер ажыццявіць адмысловы план супрацоўніцтва
з урадам Ірака, мэтай якога з’яўляецца забеспячэнне вяртання бежанцаў на радзіму.
Праблемай, аднак, застаецца няздольнасць іракскіх уладаў кантраляваць сітуацыю і неадназначная
ўнутраная палітыка, якая спрыяе зыходу хрысціянаў.