У малітву за адзінства
хрысціянаў уключыліся хрысціяне іерусалімскага Касцёла. Тыдзень малітваў за адзінства
хрысціянаў на Святой Зямлі праходзіць на некалькі дзён пазней па прычыне адзначэння
ўрачыстасці Божага Нараджэння Армянскай Царквой.
У Іерусаліме найважнейшым
месцам малітвы за адзінства хрысціян з’яўляецца санктуарый “Апошняй вячэры”. Мясцовыя
супольнасці разам з пілігрымамі будуць маліцца за дар адзінства на гары Сінай 27 студзеня.
Гэта кульмінацыя ўсёй праграмы, якая пачалася праваслаўным набажэнствам на Кальварыі
і завершыцца экуменічнай літургіяй ў англіканскім саборы св. Юрыя.
Сёлета малітоўная
сустрэча пройдзе таксама ў грэка-каталіцкай царкве, армянскім саборы св. Якуба, у
францішканскім касцёле Найсвяцейшага Збаўцы, у сірыйскай і эфіёпскай супольнасцях.
Для
хрысціян Іерусаліма экуменізм атаясамліваецца з практычнымі аспектамі супольнага жыцця
і працы. Ён таксама глыбока закаранёны ў кантэкст сацыяльнай салідарнасці, надзеі
і пакутаў. Менавіта ў ім нараджаецца супольная малітва хрысціянаў і заклік да працы
на карысць міру і справядлівасці для ўсіх жыхароў Святой Зямлі.