20 ജനുവരി 2011 ഭാരതത്തില് ക്രൈസ്തവ പീഡനത്തിന്റെ അതിരടയാളമായി നില്ക്കുന്ന ഒറീസ്സായില്
പ്രോട്ടസ്റ്റന്റ് പാസ്റ്റര് കൊല്ലപ്പെട്ടു. ജനുവരി 11-ാം തിയതി ചെവ്വാഴ്ചയാണ് ഹിന്ദു-ക്രൈസ്തവ
മൈത്രിക്കായും അനുരഞ്ജന ശ്രമങ്ങളിലും വ്യാപൃതനായിരുന്ന പാസ്റ്റര് സോള് പ്രധാന്, 49
ആണ് കാണ്ടമല് ജില്ലയില്ത്തന്നെയുള്ള പക്കാലാ ഗ്രാമത്തില് ക്രൂരമായി കൊലചെയ്യപ്പെട്ടത്. 2008-ലെ
കാണ്ടമല് ആക്രമങ്ങളില് വീടുകള് നഷ്ടമായവരെ പുനരധിവസിപ്പിക്കുന്നതിനും, ഹൈന്ദവസഹോദരങ്ങളുമായുള്ള
അനുരഞ്ജന ശ്രമങ്ങളിലും മാത്രം അവസാനംവരെ വ്യാപൃതനായിരുന്നു സോള് പ്രധാനെന്ന്, ദുഃഖാര്ത്തയായ
ഭാര്യ നിമിത, പോലീസിനോടും മധ്യമപ്രവര്ത്തകരോടും വെളിപ്പെടുത്തി. തീവ്രവാദികള് പരത്തുന്ന
ക്രൈസ്തവ-വിരുദ്ധ വ്യാജ-പ്രചരണങ്ങള് തടഞ്ഞില്ലെങ്കില് ഇനിയും കാണ്ടമല് ഒരു രണഭൂമിയായി
മാറുമെന്ന്, പക്കാലാ ഗ്രാമത്തില് സേവനമനുഷ്ഠിക്കുന്ന കത്തോലിക്കാ പുരോഹിതന്, മനോജ്
നായക്ക് മാധ്യമ പ്രവര്ത്തകരോടു പറഞ്ഞു.