Страсбург: Еўрапейскі парламент бароніць рэлігійную свабоду
Еўрапейскі парламент
заклікае да паважання свабоды рэлігіі і правоў хрысціянскіх меншасцяў у Еўропе і на
ўсім свеце – вынікае з заяваў, якія былі зроблены сёння ў Страсбургу ў ходзе дыскусіі
дэпутатаў Еўрапарламента з Кэтрын Эштан, Вярхоўным прадстаўніком Еўрасаюзу па знешняй
палітыцы.
Выступаючы ад імя Форума еўрапейскіх кансерватараў Конрад Шыманскі
адзначыў, што забойствы, гвалт, і правававая дыскрымінацыя кожны год закранае 170
тысяч хрысціянаў. Усе тыя, хто прызнаюць правы чалавека павінны актыўна выступаць
у абарону рэлігійнай свабоды.
У Еўрапарламенце было адзначана, што свабода
веравызнання з'яўляецца першым выразам правоў чалавека і асноўных свабод, у той час
як Еўропа павінна быць першым прыкладам талерантнасці і павагі да рэлігіі ў дачыненні
да хрысціянства і іншых рэлігій, прысутных на Старым кантыненце. Дэпутаты выказаліся
за неабходнасць прыняцця мер для абароны хрысціянаў, каб яны ніколі больш не станавіліся
ахвярамі актаў гвалту і дыскрымінацыі, якія адбыліся нядаўна ў Іраку і Егіпце.
Кэтрын
Эштан сказала, што пытанне аб рэлігійных пераследах будзе разгледжана ў канцы студзеня
Радай замежных спраў ЕС і будзе вынесена на разгляд у ААН.