Арцыбіскуп Менніні мае намер развіваць дыялог з англіканамі
Былы Апостальскі нунцый
у Расійскай Федэрацыі арцыбіскуп Антоніо Менніні, прызначаны нядаўна нунцыем у Вялікабрытаніі,
будзе ўмацоўваць узаемадзеянне з Англіканскай Царквой.
"Я павінен прызнацца,
што яшчэ мала ведаю Вялікабрытанію і, у прыватнасці, яе міжканфесійныя праблемы. У
апошнія дні я гаварыў з сыходзячым нунцыем і з іншымі прадстаўнікамі Каталіцкага Касцёла
ў Вялікабрытаніі. Усе яны сказалі мне, што цяперашнія адносіны паміж католікамі і
англіканамі заснаваныя на духу супрацоўніцтва, адкрытасці і сардэчнага сяброўства",
- заявіў арцыбіскуп Менніні у інтэрв'ю, якое апублікавала сёння расійскае выданне
"НГ-Религии".
Як адзначыў новы Апостальскі нунцый у Вялікабрытаніі трэба "дзейнічаць
не палітычнымі сродкамі, а хрысціянскімі цнотамі і брацкай міласэрнасцю. І гэта прынцып,
якога я імкнуўся прытрымлівацца ў працы ў Расіі, спрабуючы ўмацаваць узаемную павагу
і пазнаванне, абумоўленыя агульным хрысціянскім пакліканнем".
Па словах арцыбіскупа,
з гэтым намерам неабходна ўзгадняць "кожны канкрэтны крок, так як без гэтага ён застанецца
фармальнасцю, не здольнай пераадолець узаемнае недавер".