Papa: angazhimi shoqëror obligim themelor për të krishterët, të punosh për dashuri
e drejtësi është bashkësisë së vërtet
Impenjimi shoqëror për dashuri e drejtësi është një obligim themelor i bashkësisë
së krishterë. Këtë pohoi Papa Benedikti XVI, duke treguar se në jetën e bashkësisë
së parë të Jerusalemit, ashtu siç na rrëfejnë Veprat e Apostujve, model i jetës për
të gjithë të krishterët. Këtë nënvizoi Ati i Shenjtë gjatë audiencës së përgjithshme,
duke shpjeguar besimtarëve e shtegtarëve të pranishëm në Sallën e Palit VI në Vatikan,
kuptimin dhe synimin e Javës së Lutjes për Bashkimin e të Krishterëve, të cilën Kisha
e kremton deri më 25 janar. Duke përshkuar tiparet e bashkësisë së parë të krishterë
Benedikti XVI shpjegoi duke cituara Veprat e Apostujve se “Bashkimi vëllazëror në
atë kohë, ashtu si edhe në ditët tona, është shprehja më e prekshme dhe e kuptueshme
e bashkimit ndërmjet dishepujve, sidomos për botën e jashtme: “qëndronin së bashku
dhe gjithçka kishin të përbashkët....pasuritë që kishin ua ndanin të varfërve e të
gjithëve sipas nevojës së secilit” (Vp 2,42-47). Ky aspekt, shpjegoi Ati i Shenjtë
Racinger, “në historinë e Kishës ka pas gjithnjë modalitete të reja të shprehjes,
e njëra prej këtyre është edhe marrëdhënia miqësore ndërmjet të krishterëve të bashkësive
e të konfesioneve të ndryshme”. “Historia e lëvizjes ekumenike ka njohur vështirësi
e pasiguri, - nënvizoi Papa – por bashkëndarja e afërsia vëllazërore kanë ndryshuar
në mënyrë domethënëse marrëdhëniet mes besimtarëve, e shprehet domosdoshmërisht në
bashkimin konkret dhe krijon njësi e afërsi ndërmjet nesh: askush në bashkësinë e
krishterë – vuri në pah Papa – nuk duhet të ketë uri, të jetë i varfër, ky është një
obligim themelor, që shprehet konkretisht në impenjimin shoqërore, në bamirësi, në
dashuri e në drejtësi”.