"У глабальным канфлікце,
які мы назіраем, гульня ідзе за нешта большае, чым перамога капіталізму над камунізмам.
На карту пастаўлена выжыванне чалавечага роду". Так Хаакін Наварра-Вальс, былы кіраўнік
прэс-службы Апостальскай Сталіцы, кажа пра парушэнні рэлігійнай свабоды, якія адбываюцца
ў многіх частках свету. На старонках італьянскага выдання "La Repubblica" былы прэс-сакратар
Ватыкана піша пра "расчараванні пасля вялікіх спадзяванняў, якія нарадзіліся ў канцы
мінулага стагоддзя".
"Усім у той час здавалася, што хутка свабода пераможа
ва ўсім свеце. Пасля паразы камунізму, аднак, пачаўся цяжкі, часам нават трагічны
этап сусветнай гісторыі, якая прывяла да бягучага стану паўсюднага гвалту і адсутнасці
бяспекі" - піша Наварра-Вальс.
"Агіду" аўтара павялічвае той факт, што ў Еўрасаюзе
дамінуе ў сувязі з гэтым "стомленасць", паколькі "адсутнічае эфектыўная агульная знешняя
палітыка", а ААН "не адказвае сваім абавязкам патрабаваць ад дзяржаў-членаў, па меншай
меры паважаць чалавечую годнасць усіх грамадзян".
Па словах былога кіраўніка
прэс-служба Апостальскай Сталіцы, у гэтай сітуацыі, "неабходна на міжнародным узроўні
стварэнне новай культуры свабоды, якая грунтуецца на ісціне аб чалавеку, а не звязана
з задавальненнем уласных інтарэсаў, атэістычных ці псеўдарэлігійных, у сістэме дэмакратыі
або дыктатуры".
Па словах Наварра-Вальса ў глабальным канфлікце, які мы назіраем,
на карту пастаўлена нешта значна большае, чым трыумф капіталізму над камунізмам. "Кожны
дзень, разам з рэлігійнай свабодай кожнага чалавека, вырашаецца быць ці не быць ўсяму
чалавецтву", - піша ў завяршэнні свайго артыкула ў італьянскім выданні "La Repubblica"
былы кіраўнік прэс-службы Апостальскай Сталіцы Хаакін Наварра-Вальс.