Еўрапейскі парламент абмяркуе пытанне пераследу хрысціянаў
Італьянскі еўрадэпутат
Марыё Маўра назваў ганенні на хрысціянаў і абмежаванні рэлігійнай свабоды як "самы
драматычны феномен сучаснасці". Найбольшы пераслед сярод рэлігійных супольнасцяў перажываюць
менавіта хрысціяе, сказаў італьянскі хрысціянскі дэмакрат сёння ў Страсбургу.
Заўтра
Еўрапейскі парламент будзе абмяркоўваць пытанне свабоды рэлігіі з Высокім прадстаўніком
па замежных справах Кэтрын Эштан, а на наступны дзень мае намер выступіць з адмысловай
заявай.
Марыё Маўра заявіў, што ў выніку пераследу, забітыя тысячы біскупаў,
святароў і законнікаў у Іраку, Егіпце, Пакістане і многіх іншых краінах. "Тэрор, які
прымяняецца да хрысціянаў, частка стратэгіі па барацьбе са свабодай", - сказаў італьянскі
еўрадэпутат. Ён адзначыў, што ў многіх краінах хрысціянаў атаясамліваюць з Захадам,
і гэта гістарычны падман, таму што хрысціянства на Блізкім Усходзе мае больш чым тысячагадовую
гісторыю.