Бэнэдыкт XVI сустрэўся з Неакатэхуменальным шляхам
У панядзелак, 17 студзеня,
Бэнэдыкт ХVI сустрэўся ў Зале Паўла VI з заснавальнікамі Неакатэхуменальнага шляху
Кіко Аргуэлло, Кармэн Эрнандэс і айцом Марыё Пеццы, якіх суправаджала вялікая група
членаў руху, якія працуюць у больш за 120 краінах свету
Звяртаючыся да іх Святы
Айцец сказаў, што “на працягу больш за сорак гадоў Неакатэхуменальны шлях спрыяе адраджэнню
і ўмацаванню ў дыяцэзіях і парафіях хрысціянскага сведчання, садзейнічае паступоваму
і радыкальнаму адраджэнню багацця Хросту, дапамагае атрымаць асалоду нябеснага жыцця
ў Богу, жыцця, якое Пан адкрыў сваім уцелаўленнем, жывучы сярод нас”.
Пантыфік
нагадаў, што ў апошнія гады распрацоўваўся статус Неакатэхуменальнага шляху, які быў
паспяхова зацверджаны ў чэрвені 2008 года. Яшчэ адзін важны крок быў зроблены ў апошнія
дні, калі быў зацверджаны “Катэхетычны даведнік Неакатэхуменальнага шляху”. “Гэтай
касцёльнай акцэптацыяй, Пан пацвярджае і сёння зноў даручае вам гэты каштоўны інструмент,
якім з’яўляецца Шлях, каб праз сыноўнюю паслухмянасць Святому Пасаду і пастырам Касцёла,
вы маглі зрабіць уклад у радаснае і радыкальнае адраджэнне дару Хросту” - сказаў Святы
Айцец. Братняя еднасць паміж вучнямі Езуса з’яўляецца, па сутнасці, першым і найбольшым
сведчаннем у імя Езуса Хрыста.
Папа адзначыў сваю асабістую прыемнасць здзейсніць
абрад паслання ў розныя часткі свету больш за 200 новых сем’яў, якія адпраўляюцца
ў місію. Яны далучацца да 600 іншых сем’яў, якія ўжо працуюць на пяці кантынентах.
“Дарагія сем’і - сказаў Бэнэдыкт XVI - вы атрымалі дар веры, які здольны паказаць
людзям шлях да Неба. З тым жа пачуццём, я пашлю 13 новых “missiones ad gentes”, якія
будуць пакліканы для стварэння новай касцёльнай прысутнасці ў многіх краінах, да якіх
пасланне Хрыста яшчэ не прыйшло”- падкрэсліў Святы Айцец.
Пантыфік прывітаў
2 тысячы навучэнцаў духоўных семінарый “Redemptoris Mater” з усёй Еўропы. “Мы з надзеяй
глядзім на вас, - сказаў Папа - вы з’яўляецеся людзьмі, якія любяць Хрыста і Яго Касцёл,
здольнымі дзяліцца са светам радасцю сустрэчы з Панам і быць Яго слугамі”- сказаў
у сваёй прамове да прадстаўнікоў Неакатэхуменальнага шляху Бэнэдыкт XVI.