Бэнэдыкт XVI у пасланні на Дзень мігрантаў нагадвае аб братэрстве ўсіх людзей
Аб братэрстве ўсіх
людзей, абавязку гасціннасці, праве кожнага чалавека да эміграцыі і, адначасова, праве
дзяржавы рэгуляваць прыток мігрантаў і абараняць свае межы, нагадаў Бэнэдыкт XVI у
пасланні на сённяшні 97-ы Сусветны дзень мігрантаў і бежанцаў.
Святы Айцец
адзначае, што ўсе людзі, браты ў Хрысце. Таму, як тэму сёлетніх разважанняў прапануе:
"Адзіная чалавечая сям'я", паколькі "ўсе мы як людзі, гэта значыць як браты і сёстры,
ідзём тым жа шляхам". Папа нагадвае аб прычынах, па якіх некаторыя людзі пакідаюць
сваю радзіму. Да іх адносяцца, у прыватнасці, розныя віды пераследаў. "Мы, такім чынам,
належым да адной сям'і - як мігранты, так і мясцовыя супольнасці, якія іх прымаюць
- і ўсе мы маем такое ж права на выкарыстанне зямных каштоўнасцяў, характар якіх універсальны",
- кажа Бэнэдыкт XVI.
Папа нагадвае, што Касцёл прызнае права кожнага чалавека
“пакінуць сваю краіну і накіравацца ў іншую ў пошуках лепшых умоваў жыцця”. У той
жа час дзяржавы маюць права рэгуляваць паток мігрантаў і абараняць свае межы, гарантуючы
павагу да кожнага чалавека, належную яго годнасці.
Святы Айцец нагадвае, што
абавязкам эмігрантаў з'яўляецца інтэграцыя ў краіне, якая іх прымае, павага да яе
правоў і нацыянальнай ідэнтычнасці. Пантыфік таксама падкрэслівае, што задачай Касцёла
з'яўляецца "спроба стварэння ўсеагульнага братэрства". Гэта адбываецца асабліва ў
сакрамэнце Эўхарыстыі, якая ў сэрцы Касцёла становіцца невычэрпнай крыніцай адзінства
ўсяго чалавецтва. Дабрачыннасць, якая практыкуецца асабліва адносна бедных і слабых,
з'яўляецца крытэрыем сапраўднасці цэлебрацыі Эўхарыстыі.
Святы Айцец звяртае
ўвагу на цяжкае становішча вымушаных перасяленцаў. Звяртаецца з заклікам каб людзі,
якія былі вымушаны пакінуць свае дамы або землі, сустрэлі дапамогу ў пошуках месца,
дзе яны могуць жыць у супакоі і бяспецы, дзе яны маглі б працаваць і засвоіць правы
і абавязкі краін, якія прынялі іх.
Папа нагадвае пра замежных студэнтаў, якія
набываюць веды і навыкі за межамі сваіх уласных краін. Адзначае, што яны ўтвараюць
"памост" культурны і эканамічны паміж іх радзімай і прымаючымі іх краінамі, усё гэта
вызначае рух у напрамку стварэння "адзінай чалавечай сям'і".
Бэнэдыкт XVI
заклікае усіх, каб станавіліся людзьмі здольнымі да жыцця ў братэрскіх адносінах,
каб у сферы грамадскага, палітычнага і інстытуцыянальнага жыцця павялічвалася зразуменне
і ўзаемная павага паміж народамі і культурамі.