У Іраку створаны камітэт па справах хрысціянаў

Прэзідэнт Ірака Джалал Талабані стварыў спецыяльны камітэт па справах хрысціянаў. Ён павінен займацца маніторынгам іх сітуацыі, патрэбамі і небяспекамі.

Паводле паведамлення гэты орган будзе імкнуцца да таго, каб духоўныя кіраўнікі мусульманскіх супольнасцяў выдалі фетву, якая асуджае напады на хрысціянаў.

Прэзідэнт Талабані таксама выдаў пастанову, у якой патрабуе павысіць абарону хрысціянаў у Іраку.