Primati i ri i Brazilit është rregulltari dehonian Maurilo Sebastia Ramos Krieger
(12.01.2011 RV)Kryeipeshkvi dehonian, Maurilo Sebastia Ramos Krieger, 67 vjeç,
ipeshkëv aktual i Florianopolis, që sot është primat i Brazilit. Papa e emëroi në
selinë e San Salvador de Bahia, ku zë vendin e kardinalit Geraldo Majella Agnelo,
që jep dorëheqjen, për arsye shëndetësore. Primati i ri, për shumë kohë epror
provincial i dehonianëve të Brazilit, u shugurua ipeshkëv në vitin 1985, kur Gjon
Pali II e emëroi ndihmës të kryeipeshkvit të Florianopolis. Që asokohe drejtoi kishat
vendase të Ponta Grossa e Maringa, për t’u transferuar përsëri, në vitin 2002, si
ipeshkëv i Florianopolis.Pikërisht sot, gjatë audiencës së përgjithshme, Benedikti
XVI përshëndeti rregulltarët dehonianë, të pranishëm në Sallën e Palit VI, duke u
kujtuar se janë meshtarë të Zemrës së Krishtit e duke i uruar ta duan gjithnjë më
shumë Jezusin e ta dëshmojnë në jetën e përditshme.