Në referendumin për pavarësinë e Sudanit jugor kapërcehet pragu i 60%-shit
(12.01.2011 RV)Pjesëmarrja në referendumin për pavarësinë e Sudanit jugor,
me shumicë të popullsisë të krishterë, mund ta ketë kaluar 60%-shin. Ky është pragu,
kapërcimi i të cilit e bën të vlefshëm votimin. Pavarësisht se lajmi nuk është akoma
zyrtar, ai konfirmohet nga zëdhënësi i Komisionit për Referendumin. Kujtojmë se lufta
civile ndërmjet jugut të krishterë dhe veriut mysliman vazhdoi nga viti 1983 deri
në vitin 2005 dhe shkaktoi 2 milion viktima.