18 студзеня пачынаецца
Тыдзень малітваў за адзінства хрысціян. Яго тэма ў гэтым годзе гучыць: “Яны ў засяроджанні
слухалі навучання Апосталаў і трывалі ў братнім адзінстве, ламанні хлеба і ў малітве”.
Гэта ўжо 44 Тыдзень малітваў у гісторыі хрысціянства. Ён прайшоў упершыню ў 1968 годзе
па ініцыятыве хрысціянскіх лідэдаў Ерусаліма. Сярод іх быў Лацінскі Патрыярха Ерусаліма
на пенсіі Мішэль Саббах, біскуп Евангельска-лютэранскай Царквы ў Святой Зямлі і Іярданіі
Муніб Юнан, прадстаўнікі Грэцка-праваслаўнага Патрыярхату Ерусаліма, члены Сірыйскай
Праваслаўнай Царквы, Каталіцка- Мельхіцкага Касцёла, Армянскай Праваслаўнай Царквы
і Епіскапальнай Царквы.
“Тэма і запрапанаваныя тэксты да разважанняў, - гаворыцца
ў заяве Сусветнай Рады Цэркваў, - былі сумесна акрэсленыя Камісіяй па пытаннях веры
і канстытуцыі Рады Цэркваў і Папскай радай спрыяння хрысціянскаму адзінству і з’яўляюцца
заклікам да аднаўлення і вяртання да таго, што мае асноўнае значэнне ў веры, закліку
памятаць часы ў якіх Касцёл быў адзіным”.
“Адзінства да якога імкнемся –
гэта не простая абстрактнасць - сказаў Олаф Фіксэ Твэйт, генеральны сакратар Сусветнай
Рады Цэркваў - для хрысціян Ерусаліма, якія з’яўляюцца наступнікамі ерусалімскай апостальскай
супольнасці, Касцёла-маці ўсіх нас, гэтае адзінства ўключае ў сябе малітвы і разважанні
ў кантэксце пакут і смутку. З імі мы молімся за мір і справядлівасць для ўсіх жыхароў
Святой Зямлі”.
Тыдзень малітваў за адзінства хрысціян будзе праходзіць ва ўсім
Каталіцкім Касцёле з 18 да 25 студзеня.