Аўстралія: Папа салідарны з ахвярамі "біблейскай" паводкі
Святы Айцец сістэматычна
атрымлівае інфармацыю аб паводкавай сітуацыі ў Аўстраліі і запэўнівае ў сваёй салідарнасці
з ахвярамі і сем'ямі ахвяраў – гаворыцца ў заяве нунцыятуры ў гэтай краіне. Бэнэдыкт
XVI заклікаў да дапамогі пацярпелым ад паводкі, сам пераказаўшы на гэтую мэту 50 тыс.
долараў.
Між тым, узровень вады ў Аўстраліі не падае. Больш за тое, паўночна-ўсходні
рэгіён краіны перажывае другую хвалю праліўных дажджоў. Плошча затопленых раёнаў большая
за Германію і Францыю разам узятыя. Таму нядаўнія паводкі, найбуйнейшыя за 80 гадоў,
былі названыя “біблейскім” патопам.
Пацярпела 100 тыс. асобаў. Колькасць смяротных
ахвяр ацэньваецца ў 12. Як прагназуюць метэаролагі, паляпшэння сітуацыі можна чакаць
у бліжэйшы час.