Pakistan: Policia hap zjarr mbi protestuesit. Një i vdekur dhe 14 të plagosur.
(11.01.2011 RV)Në Pakistan policia hapi zjarr sot kundër një grupi manifestuesish
që po protestonin për ndërprerjet e vazhdueshme të energjisë elektrike në Banu, në
veri-perëndim të vendit. Si pasojë u vra një protestues dhe u plagosën 14 të tjerë.
Demonstrata e protestës degjeneroi, atëherë kur rreth 500 vetë, të cilët kishin bllokuar
rrugën për tri orë, nuk iu bindën urdhërit të policisë për t’u shpërndarë. Policia
deklaroi për shtypin se protestuesi u vra në përleshje me armë zjarri me policinë,
por banorët ngulin këmbë se i gjithë faji ishte i policisë, që shtiu me armë zjarri
kundër turmës.