Izraeli promovon “Shtegtim nëpër gjurmët e Virgjërës Mari”.
(11.01.2011 RV)Izraeli po i fton gjithmonë e më shumë turistët të kryejnë shtegtime
nëpër gjurmët e Virgjirës Mari, pjesë kjo e një fushate të gjërë për promovimin e
turizmit të besimtarëve të krishterëve në Tokën e Shenjtë. Një intinerar i ri përvijuar
nga Ministria e Turizmit të Izraelit i ndihmon shtegtarët e krishterë të vizitojnë
vendet ku Nëna e Jezu Krishtit jetoi dhe udhëtoi. Në to përfshihet Nazareti, vendlindja
e saj si edhe Kroi i Zojës e Varri i Zojës afër Jeruzalemit. Zyrtarët izraelitë thanë
se me anë të kësaj nisme shpresojnë të promovojnë shtegtimet e të krishterëve, të
cilët i kanë parë e vizituar vendet ku ka jetuar e ka kaluar Jezusi. Në vitin 2010,
69 përqind e shtegtarëve që vizituan Izraelin qenë të krishterë. Intinerari në
fjalë quhet “Nëpër gjurmët e Virgjërës Mari” dhe do të përkthehet edhe në spanjisht,
frëngjisht, italisht, polonisht dhe portugalisht.