Կարտինալ Սարա Հայիթի Կը Մեկնի Հանդիպում Ունենալու Երկրաշարժի Աղէտեալներուն Հետ։

''Մէկ Սիրտ'' կոչուած քահանայապետական բարեսիրական մարմնի նախագահը կարտինալ Սարա կը մեկնի Հայիթի, յառաջիկայ 10-13 յունուար, յայտնելու Սրբազան Քահանայապետին զօրակցութիւնը Հայիթիի երկրաշարժի աղէտեալներուն։ Հայիթիի երկրաշարժի առաջին տարեդարձին առթիւ, Վատիկանի պետական քարտուղարը` կարտինալ Պերթոնէ հոգեհանգստեան պատարագ պիտի մատուցանէ Հռոմի Տիրամօր Աւագ պազելիքային մէջ։ Յայտնենք թէ անցեալ 12 յունուարին տեղի ունեցած երկրաշարժի հետեւանքով մահացաւ 220 հազար հոգի, եւ աւելի քան 300 հազար հոգի վիրաւորուեցաւ։