Në protesta për shtrenjtim të bukës në Tunizi e Algjeri mbi 50 të vrarë
Trazirat dhe dhuna kanë përfshirë Tunizinë e Algjerinë, si pasojë e protestave të
qytetarëve e posaçërisht të të rinjve të shkaktuara nga shkalla e lartë e papunësisë
dhe rritja e çmimeve të ushqimeve si buka, qumështi e tjerë. Në Tunizi thuhet se 25
vetë janë vrarë gjatë përleshjeve me policinë. Bilanci i viktimave mund të jetë edhe
më dramatik, burimet e mediave pohojnë për 50 viktima vetëm në Tunizi. Autoritetet
fajësojnë ekstremistët për dhunën. Në protesta të ngjashme në Algjeri dy persona janë
vrarë e qindra të tjerë janë plagosur. Situata mbetet e tensionuar në të dy vendet.