Тыднёвая рубрыка “Octava
Dies” Генеральнага дырэктара Ватыканскага радыё ксяндза Фэдэрыко Ламбардзі сёння прысвечана
Папе Рымскаму, бедным і дзецям.
“У перыяд Калядаў ў праграме Папы заўсёды ёсць
моманты сустрэчаў і святкаванняў з беднымі і дзяцьмі.”- піша кіраўнік прэс-службы
Ватыкану. Так было і сёлета. Святы Айцец 26 снежня паабедаў з беднымі, якімі апякуецца
Супольнасць Місіянарак Любові, і 5 студзеня наведаў хворых дзяцей ў Рымскай Клініцы
Джэмэллі. Гэта маленькі жэст, які шмат значыць. Гэта не паспешлівая фармальнасць,
але штосці, што належыць да істоты жыцця Касцёла, значыць і да служэння Папы.
Бог
ёсць міласэрнасцю, Бог ёсць любоўю. Гэта былі першыя словы Папы Бэнэдыкта ХVI. На
доўгім сваім шляху Езус часта сустракаўся з беднымі і хворымі, прыймаў і абнімаў дзяцей,
якіх прыводзілі да Яго.
Перыяд Божага Нараджэння спантанна спасылаецца на прыявы
салідарнасці. Бог стаўшыся дзіцём дапамагае нам прызнаць у кожным дзіцяці сваю выяву,
дапамагае прыняць з любоўю кожнае жыццё, якое нараджаецца, і ў сваёй далікатнасці
патрабуе догляду і абароны. Але Каляднае пасланне важнае на кожны дзень года. Касцёл
моліцца, слухае Божае Слова і святкуе ў Эўхарыстыі сустрэчу з Богам, але жыве дзейснай
любоўю і ў гэтай любові ўпрывілеяванымі ёсць дзеці, і тыя, якія з сацыяльных і чалавечых
прычын знаходзяцца ў рызыцы быць забытымі. Таксама і шлях Папы праходзіць, такім чынам,
па гэтых этапах у любы час і ў кожным ягоным паломніцтве.