Papa: Epifania, festa e dëftimit të Zotit na fton ta zhveshim kohën e Krishtlindjes
nga moralizmi e sentimentalizmi
Festa e Epifanisë së Zotit, që do të thotë e Dëftimit të Zotit, që përkon me ditën
e fundit të pushimeve për nxënësë e stduentë, “na rrëmben e lë pa mend sot ashtu edhe
dikur, më shumë se festat tjera të mëdha të Kishës; na tërheq e mahnitë sepse të gjithë
në një farë mënyre e perceptojmë dhe kuptojmë se lindja e Jezusit ka të bëj me aspiratat
e shpresat më të thella të njeriut”. “Mirëpo konsumizmi mund të na largoi nga kjo
nostalgji e brendshme”, Kështu pohoi Papa mes tjerash në katekizmin e sotëm mbajtur
në Audiencën e Përgjithshme në Vatikan. “Dritat e zbukurimeve të Krishtlindjes në
një farë mënyre mund të bëhen pasqyrim e shenjë e Dritës që është ndez me mishërimin
e Zotit”, spjegoi Papa duke i porosit besimtarët ta “jetojnë thellësisht e intensivisht
tërë kohën e Krishtlindjes siç na mëson e paraqet Kisha e që zgjat për dyzet ditë,
nga 25 dhjetori deri më 2 shkurt, nga kremtimi i Natës së Lindjes së Krishtit, deri
te Amësia e Marisë, Epifania, Pagëzimi i Jezusit, dasma e Kanës e Paraqitja në Tempull,
pikërisht në analogji me kohën e Pashkëve, që formon një njësi të vetme prej pesëdhjet
ditësh, deri në Rrëshaj”. Pra duhet të rizbulojmë e shpëtojmë, spjegoi Papa, “këtë
kohë të Krishtlindjes nga veshjet e tepërta moarliste e sentimentaliste”. “Natën
e festës së Epifanisë, në të cilën kremtojmë dëftimin e Zotit të gjithë njerëzve”,
Papa teolog nënvizoi se “kremtimi i Krishtlindjes nuk është vetëm një kujtim, por
është sidomos e në rend të parë mister; nuk është vetëm përkujtim, por edhe prani”,
duke shpjeguar harkun kohor të Krishtlindjes e domethënien e saj shpirtërore të besimtarët
e krishterë.