Mijëra vetë në Madrid për “Meshën e Familjes Shenjte”
(03.01.2011 RV)Dhjetra mijëra vetë morën pjesë dje në Madrid, për të katërtin
vit me radhë, në Meshën solemne të Familjes Shenjte, kryesuar nga kardinali-kryeipeshkëv
i kryeqytetit spanjoll, Antonio Maria Ruoko Varela. Me moton “Familja e krishterë,
shpresë për Evropën”, erdhën në Spanjë besimtarë nga krejt kontinenti. Mbi domethënien
e këtij takimi, të dëgjojmë përgjegjësin për baritorinë e familjes në Episkopatin
spanjoll, imzot Huan Antonio Reig Pla: Qëllimi i këtij takimi në Plaza de Colòn
në Madrid ishte ta shfaqnim publikisht fenë në Jezu Krishtin dhe planin e Zotit për
martesën, familjen e jetën njerëzore. Familjet e mbledhura deshën të shprehnin shpresën
për Spanjën dhe Evropën, deshën të përjetonin sëbashku gëzimin e të qënit “familje”,
të sigurtë se hiri i Hyjit mbështet dashurinë e bashkëshortëve dhe jetën e ndërtuesve
të ardhshëm të Evropës. Plaza de Colòn është një dritë në mesin e errësirës aktuale,
në mesin e hijeve, që tërhiqen zvarrë përreth shenjtërisë së jetës, është një thirrje
për mbrojtjen e martesës dhe të familjes. Duhet të themi fjalë shprese për Spanjën
dhe Evropën.