(30.12.2010 RV)Po e kujtojmë Atë Gjergj Fishtën edhe me një epigram të gjuhëtarit
të nderuem Atë Justin Rrota, “shkrue më 14 tetor 1929 në ditën kur sivëllaznit e
kuvendit uruen të Perndershmin At Gjergj Fishta OFM me rasën e marrjes, më 12 tetor,
të titullit Lector Jubilatus nga i Perndershmi At Gjeneral i Urdhnit, Shkodër (Gjuhadol)”.
Epigrami, shkrue latinisht nga autori dhe përkthye në shqip prej Z. Zef Simonit,
poliglot, përkthyes e leksikograf, u botue nga Koleç Çefa në Gazetën Shqiptare, 26.
12. 2010. Po ia përcjellim lexuesit, duke ia përshtatur këtij 70 vjetori:
“Sot...
në ditën kur populli shqiptar përkujton 70 vjet mbas vdekjes, Poetin
e vet Kombëtar Të gjithë hareshem...mblidhemi shokë e miq Per
ta urue... Të Perndershmin At Gjergj Fishta O.F.M. Princin e
madh të letrave tona I cili në zhvillimin e arteve të bukura Ka
merita fort të mëdha...
...Atij, që tregoi qartë e bindshem Se
ç’mund të bajë e ç’bukuri ka Gjuha amëtare Për shumë shekuj
heu! E lanë mbas dore i urojmë: Rrnofsh gjatë, për nder e lavdinë
tonë, rrnofsh për jetë Ashtu si shkrimet e tua.. që mbeten Përmendore
e perhershme të popullit tonë!