Atë Gjergj Fishta në 70- vjetorin e vdekjes: nderimet e medaljet
Atë Gjergj Fishta u nderua nga shumë personalitete e burra shteti të mëdhenj të kohës: Në
vitin 1911 Fishta u kurorëzua me Kunorën e argjendë nga Klubi “Gjuha Shqipe” me
këtë kushtim: “Fort të Ndritçmit At Gjergj Fishtës O.F.M., Vjerrshtarit ma të vlershmit
të Shqypnis, Atdhetarit të Flakët e të dijshëm, qi me shkrime të larta të veta aq
të shndritun e randsi i ka dhanë gjuhës e komsis Shqiptare ket kunorë në shej të binduemit
e të Miradijes, Klubi “Gjuha Shqipe” ja Truen. Kryetari i nderës: Sereggi, Kryetari:
N. Çoba, Shkodër, 21. 1. 1911.” Në vitin 1912, Perandori i Austro-Hungarisë,
Franz Jozefi e dekoroi me Urdhërin Ritterkreuz; po në këtë vit, Sulltani i Perandorisë
turke i njohu meritat me dekoratën Mearif klasi i dytë. Në vitin 1917 qyteti i
Beratit i dhuroi ‘Pendën e artë’, për krijimtarinë e shquar poetike. Në vitin
1925 Papa Piu XII e dekoroi me Medaljen e Meritimit. Parija e Përgjithshme e Urdhërit
Françeskan e dekoroi, në vitin 1929, me titullin Lector Jubilatus. Në vitin 1931 u
dekorua nga Mbreti i Greqisë, me dekoratën Foenix.