Бэнэдыкт VI да ўдзельнікаў 33 Еўрапейскай Сустрэчы Моладзі ў Ратэрдаме, Галандыя
У сваім пасланні да
ўдзельнікаў 33 Еўрапейскай Сустрэчы Моладзі, якая адбудзецца ў Ратардаме, Папа заахвочвае
да ахвярнай любові, да акрыцця сапраўднага значэння салідарнасці з церпячымі і да
будавання месцаў дабрыні сэрца і даверу. 28 снежня да гэтага галандскага гораду па
запрашэнні Экуменічнай Супольнасці з Тэзэ прыбудзе каля 30 тысяч маладых людзей з
нашага кантынента.
Святы Айцец просіць сілы і супакою Духа Святога для
ўсіх сабраных у Ратэрдаме на заклік Супольнасці з Тэзэ, а таксама для пастыраў, парафій
і сем’яў, якія даюць гасціннасць моладзі. Хай Бог вядзе вас і братоў з Тэзэ, якія
падрыхтавалі гэтую сустрэчу, да крыніц радасці.
У гэтыя дні вы адкрыеце,
што гэтая радасць не аддаляе вас ад салідарнасці з чалавечымі пакутамі, але ёсць глыбока
звязана з даверам да Бога. Жывучы гэтым даверам, прыймаючы яго, вы дазваляеце, каб
ажыццяўлялася радыкальнае аднаўленне чалавечае істоты, якое прынёс Хрыстус. Не падвяргаючыся
ілюзіям індывідуалізму, вы што-раз больш стаеце людзьмі супольнасці, аддаючы сябе
ў дары іншым.
Няхай Дух Святы, пасля вашага вяртання дадому, напоўніць
вас спачувальнаю любоў’ю, якая не мае межаў, хай вас абдарыць уяўленнем і смеласцю
адкрывання таго, як ператвараць вашыя супольнасці ў месцы поўныя дабрыні сэрца і даверу.
Супакой, які вам надзеліць, будзе ўплываць на іншых людзей і на свет.
Запрашаючы
таксама на сустрэчу ў Мадрыце з нагоды Сусветнага Дня Моладзі ў жніўні будучага года,
Святы Айцец даручыў моладзь заступнітву Панны Марыі, Маці веруючых, якая ў Кане Галілейскай
была сведкам радасці, якую Яе Сын прынёс свету і ад цэлага сэрца надзяліў сваё апостальскае
блаславенства.