(27.12.2010 RV)Vërshim turistësh sivjet në Tokën Shenjte; numri i shtegtarëve
të tri feve monoteiste, që vizituan Viset, ku Lindi Jezusi, këtë vit e kaloi shifrën
tre milion. E afirmon lajmin Patriku i Jeruzalemit, në faqet e kanalit të internetit,
cituar nga Agjensia Zenit. Posaçërisht në këtë periudhë Krishtlindjeje, hotelet e
bujtinat e Betlehemit nuk kishin më asnjë vend të lirë. Si në kohën kur lindi Jezusi.
90 mijë vetë kishin zënë të gjitha dhomat e lira, duke ia kaluar shumë edhe pranive
të vitit 2000, Vitit të Jubileut të krishterimit e të vizitës së Gjon Palit II. Nuk
kishte asnjë vend të lirë, pra. E nuk e dimë në se kishte mbetur e lirë ndonjë shpellë.
Shumica e shtegtarëve janë të krishterë (rreth 54%); kryesisht amerikanë, rusë, francezë,
britanikë, gjermanë e italianë... Vendi më i vizituar - Muri i Lotëve, ku shkon 74%
e shtegtarëve, pasuar nga lagjja e vjetër hebraike e Jeruzalemit (66%), Bazilika e
Varrit të Shenjtë ( 53%) e sidomos, Udha e Kryqit – Kalvari. Natyrisht, Natën e Krishtlindjes,
vendin e parë e zë gjithnjë Betlehemi!