Бэнэдыкт ХVI перад “Анёл Панскі”: хай сем’і служаць жыццю і выхаванню
У нядзелю 26 снежня свае разважанні перад малітвай “Анёл Панскі” Святы Айцец прысвяціў
сям’і. Няхай сем’і, за прыкладам Марыі і Юзафа, служаць жыццю і выхаванню. Сёння Каталіцкі
Касцёл ушаноўвае памяць першамучаніка Сцяпана і ўрачыстасць Святой Сям’і. Дарагія браты
і сёстры
Евангелле ад Лукі расказвае, што пастушкі з Бэтлеему, пасля атрымання
ад Анёла аб’яўлення аб нараджэнні Мэсіі, “ паспешна пайшлі і знайшлі Марыю і Юзафа
і Дзіцятка, якое ляжала ў жолабе” ( Лук. 2.16). Для першых навочных сведкаў нараджэнне
Езуса з’явілася, такім чынам, як сямейная сцэна: маці, бацька і нованароджанае дзіця.
Вось чаму Літургія, у першую нядзелю пасля Калядаў, ўшаноўвае ўрачыстасць Святой Сям’і.
У гэтым годзе яна прыпадае менавіта наступнага дня пасля Калядаў і маючы першанство
перад успамінам Святога Сцяпана запрашае нас абажаць гэтую “ікону”, у якой маленькі
Езус ёсць у цэнтры чуллівасці і клопату сваіх бацькоў. У беднай стаенцы Бэтлеему-
пішуць Айцы Касцёла- ярка свеціць святло, адлюстоўваючы глыбіню таямніцы, якая акружае
гэтае Дзіця, якую Марыя і Юзаф захавалі ў сваіх сэрцах і дазваляюць, каб з’яўлялася
яна ў іхніх позірках, жэстах і асабліва ў іхнім маўчанні. Яны захоўваюць у глыбіні
душы словы , якія сказаў Анёл Марыі: “тое, што народзіцца, Сынам Божым назавецца”.(
Лук. 1,35)
Нараджэнне кожнага дзіцяці прыносіць з сабою штосьці з гэтай
таямніцы. Добра ведаюць аб гэтым бацькі, якія прыймаюць яе як дар. Нам усім даводзілася
часта чуць словы, якія бацька гаварыў маці: “гэтае дзіця гэта дар, цуд”. І сапраўды
чалавечыя істоты перажываюць народзіны не як чысты рэпрадукцыйны акт, але бачаць у
нараджэнні багацце, маюць пачуццё, што кожнае чалавечае стварэнне, якое прыходзіць
у свет, ёсць у поўным значэнні гэтага словам “знакам” Стварыцеля і Айца, які ёсць
у небе. Як важна тое, каб кожнае дзіця, што прыходзіць у свет, было прынята сямейным
цяплом. Не важныя знешнія камфорты: Езус нарадзіўся ў стайні і як першую калыску
меў жолаб, але любоў Марыі і Юзафа зрабіла, што чуў далікатнасць і прыгажосць быць
любленым. Гэта менавіта тое, што дае ім упэўненасць і ў меру ўзрастання дазваляе
адкрыць ім сэнс жыцця. Святое Сямейства з Назарэта прайшло шматлікія выпрабаванні,
як напрыклад тое- аб якім гаворыць Евангелле ад Матэя- менавіта “забіццё немаўлятаў”,
што прымушае Юзафа і Марыю ўцякаць у Ягіпет. ( Мат. 2-13-23). Але давяраючы Божаму
Провіду яны знайшлі сваю стабільнасць і запэўнілі Езусу спакойнае дзяцінства і грунтоўнае
выхаванне
Дарагія сябры, Святая Сям’я, вядома, ёсць ўнікальнаю і непаўторнаю,
але ў той жа самы час з’яўляецца “мадэлю жыцця” для кожнай сям’і, таму што Езус, сапраўдны
чалавек, зажадаў нарадзіцца ў чалавечай сям’і і робячы так блаславіў яе і асвяціў.
Даручым, такім чынам, Панне Марыі і Святому Юзафу ўсе сем’і, каб яны не падалі духам
у выпрабаваннях і цяжкасцях, але заўсёды захоўвалі шлюбную любоў і з даверам служылі
жыццю і выхаванню.