Fjalët e Papës mbi kondomin nuk e ndryshojnë doktrinën e Kishës
Fjalët e Papës Benediktit XVI mbi përdorimin e prezervativit për parandalimin e SIDE-së,
që përmbahet në librin-intervistë të tij ‘Drita e Botës’, “nuk e ndryshojnë doktrinën
morale e as praktikën baritore të Kishës”. Kështu saktësohet në një deklaratë të
Kongregatës së Vatikanit për Doktrinën e Fesë “mbi banalizimin e seksualiteti”, botuar
sot pasdite edhe në të përditshmen e Vatikanit ‘L’Osservatore Romano’. Papa, nënvizon
Kongregata e Selisë së Shenjtë për Doktrinën e Fesë, në librin e tij vë theksin në
mënyrë të veçantë rreth një “sjelljeje rëndë të çorientuar siç është prostitucioni”
e “jo rrallë herë ka qenë përdor për qëllim e interesa që s’kanë lidhje me kuptimin
e fjalëve të tij, që rezultojnë qartë nëse lexohen të plotë kapitujt ku përmendet
çështja e seksualiteti njerëzor”. Kongregata për doktrinën e fesë kujton se “disa
interpretime që i kanë paraqitur fjalët e Papës si pohim në kundërshtim me traditën
morale të Kishës, hipotezë kjo që disa e kanë përshëndetur si kthesë pozitive e të
tjerë e kanë pranuar me shqetësim, thua se bëhet fjalë për një çarje me doktrinën
mbi kontraceptivë e me qëndrimin kishtar në luftën kundër Sidës”. Kongregata ripohon
se Papa, në të kaluarën i ‘fajësuar’ për librin e tij, “nuk flet për moralin bashkëshortor
e aq më pak për normat morale mbi kontraceptivë” që mbeten të pandryshuara. “Ideja
e fjalëve të Benediktit XVI që mund të deduktohet që në disa raste është e ligjshme
të përdoret prezervativi për të shmangur shtatzëninë e padëshiruar – vijon Nota e
kongregatës – është krejtësisht arbitrare e nuk i përgjigjet as fjalëve të tij e as
mendimit të tij. Lidhur me këtë Papa propozon udhët që mund të përshkohet si nga pikëpamja
njerëzore e po kështu edhe nga ajo etike, udhë për të cilat barinjtë janë të thirrur
të bëjnë ‘më shumë e më mirë’, ato udhë që respektojnë plotësisht lidhjen e pacenueshme
të domethënies së bashkimit e të lindjes, nxjerrjes së jetës në dritë në çdo akt
bashkëshortor, përmes përdorimit të metodave të rregullimit natyror të fekonditetit
duke pasur në plan e para sysh lindjen e ndërgjegjshme”.