Koreja Veriore bëri të ditur se do të sulmojë po që se Koreja Jugore mban stërvitjet
artilerike, siç i ka paralajmëruar. Në një deklaratë, të lëshuar nga agjencia zyrtare
e lajmeve KCNA, thuhet se hakmarrja e Phenianit do të jetë shumë më e fuqishme sesa
granatimi i muajit të kaluar në ishullin koreano-jugor, nga i cili u vranë 4 persona.
Granatimi ndodhi për herë të parë që nga lufta koreane e viteve 1950-1953, kur Veriu
kishte sulmuar territorin e Koresë Jugore. Stërvitjet pritet të mbahen nga 18 deri
më 21 dhjetor.