Тэма самагубства стаяла
ў цэнтры ўвагі нядаўняй штогадовай сустрэчы біскупаў Японіі і Паўднёвай Карэі. Гэта
вельмі сур'ёзная праблема, закранула грамадскасці абедзвюх краін, дзе колькасць самагубстваў
з'яўляецца самым высокім у свеце. Таму, Касцёл імкнецца знайсці эфектыўныя спосабы
дапамагчы патэнцыйным самагубцам.
У ходзе сустрэчы гаворка ішла пра вельмі
трывожную з'яву заклікаў у Інтэрнэце да "калектыўных самагубстваў". Было адзначана,
што такія пакты заключаюць у большасці людзі ізаляваныя, якія на працягу тыдняў не
пакідаюць дом і за межамі віртуальных адносін не маюць іншых сувязяў. Менавіта гэтая
адсутнасць міжчалавечых сувязяў, якая ўключае, у прыватнасці, характыэрны для высокаразвітых
краін распад сям'і і адсутнасць стварэння рэальных сацыяльных сувязяў, паводле біскупаў
з'яўляецца адной з асноўных прычын рэзкага павелічэння колькасці самагубстваў. Не
без віны застаецца таксама практыкаваная ў Японіі і Карэі мадэль працы, якая базуецца
на пастаянным падняцці планкі і ненармальным суперніцтве паміж работнікамі. Нарастаючая
ізаляцыя асобы, падрывае яе псіхічную ўстойлівасць, і нават найменшы крызіс або страта
працы становіцца матывам, каб пазбавіць сябе жыцця.
Касцёлы Японіі і Паўднёвай
Карэі ствараюць месцы сустрэч, дзе патэнцыйныя сагубцы могуць падзяліцца сваім непакоем
і атрымаць прафесійную псіхалагічную дапамогу і пастырскую апеку. Касцёл таксама становіцца
больш актыўным у Інтэрнэце, таму што там “хаваюцца” людзі з праблемамі, а сетка прапануе
ім усё больш старонак, якія заахвочваюць да “супольнай смерці з незнаёмцам”. Касцёл
спрабуе звярнуцца да іх, ствараючы ў Інтэрнэце месцы надзеі і заахвочваючы да будавання
міжчалавечых адносін. Таксама дзейнічае бясплатны "тэлефон для жыцця". Дзейнасць па
дапамозе патэнцыйным самагубцам японскія і карэйскія католікі праводзяць разам з прадстаўнікамі
іншых рэлігій.
Каб праілюстраваць сур'ёзнасць сітуацыі варта адзначыць, што
ў 1995-2005 гадах колькасць самагубстваў у Карэі ўзрасла ў тры разы. У 2005 годзе,
у сярэднім тры чалавекі ў дзень пазбаўлялі сябе жыцця. У тым жа годзе, Карэя мела
адзін з самых нізкіх у свеце ўзровень нараджальнасці. У тым жа годзе ў краіне было
зафіксавана 1,5 млн. абортаў.