Створана хрысціянска-мусульманская антыкрызісная група
У Жэневе каля 60 лідэраў
і актывістаў мусульманскіх і хрысціянскіх арганізацый прынялі ўдзел ў міжнароднай
канферэнцыі пад назвай “Зменім грамадства: хрысціяне і мусульмане будуюць агульную
будучыню”. Сустрэча прайшла ў экуменічным цэнтры Сусветнай Рады Цэркваў.
У
сумеснай заяве, прынятай учора на канферэнцыі, у прыватнасці гаворыцца: “Рэлігія часта
становіцца перашкодай пры ўрэгуляванні канфліктаў, нават тых, рэальнай прычынай якіх
яна не з'яўляецца. Мы павінны ўмець выяўляць сапраўдныя прычыны канфліктаў і зрабіць
рэлігію памочніцай ў іх вырашэнні».
У форуме прыняў удзел генеральны сакратар
Сусветнай Рады Цэркваў пастар Олаф Фіксэ-Твейт. Створана група спецыялістаў для больш
аператыўнага рэагавання на крызісныя сітуацыі, якія ўзнікаюць паміж мусульманамі і
хрысьціянамі.
На канферэнцыі таксама ішла гаворка пра важнасць рэлігійнай адукацыі
ў ракурсе павагі да іншых рэлігій, сумеснай працы для вырашэння праблем сацыяльнага
і экалагічнага характару.