Рым: кангрэс аб духоўнай апецы над супрацоўнікамі цыркаў і лунапаркаў
"Цыркі і лунапаркі
– знак надзеі ў глабалізаваным свеце". Пасядзжэнне на гэту тэму праводзяць у Рыме
душпастыры работнікаў цырка. Іх восьмы Міжнародны кангрэс працягнецца да 16 снежня.
Яго арганізавала Папская рада пастырства эмігрантаў і падарожнікаў.
Як паведаміў
старшыня гэтай ватыканскай дыкастэрыі, мяркуецца, што толькі ў Еўрапейскім Саюзе налічваецца
ад 600 да 1000 цыркаў, а ва ўсім свеце мільёны людзей робіць вандроўныя прадстаўленні,
ці працуе ў парках забаў, як сезонных так і стацыянарных. "Цыркі і атракцыёны выклікаць
у нас станоўчыя эмоцыі. З’яўляюцца знакам надзеі на свет больш згодны, які характарызуецца
павагай і разуменнем, - сказаў арцыбіскуп Антоніо Марыя Вэльё. - А з хрысціянскага
пункту гледжання пастаянны рух вандроўных артыстаў нагадвае нам, што мы ўсе пілігрымы
ў гэтым свеце і наша канчатковая мэта – поўная радасць з Богам. Вандроўны стыль артыстаў
цырка робіць немагчымым іх нармальнае парафіяльнае жыццё, аднак, яны маюць патрэбу
ў падтрымцы сваёй веры, і гэта павінна быць адным з момантаў душпастырства мясцовых
Касцёлаў. Мы хочам, каб парафіі адкрываліся на гэтых людзей. Іх прысутнасць, хоць
і кароткая, можа быць магчымасцю адрадзіць парафіяльныя супольнасці, якія могуць уключацца
ў набажэнствы пад цыркавым шатром. Артысты, у сваю чаргу, могуць выступаць на парафіяльных
урачыстасцях".
Працы Міжнароднага кангрэса душпастырства цыркаў і лунапаркаў
з’яўляюцца не толькі магчымасцю абмену вопытам. У праграму ўключаны сведчанні артыстаў
цырка з Чылі, Францыі, Італіі і ЗША на тэму пераказання веры і каштоўнасцяў у сямейнай
традыцыі іх асяроддзя. Заўтра, 15 снежня ўдзельнікі кангрэса будуць прысутнічаць на
агульнай аўдыенцыі з удзелам Бэнэдыкта XVI.