Հայ Ժողովուրդի Բարեկամ ՀԵՐՄԱՆ ԿՈԼՑ Ոչ Եւս է ։

Հինգշաբթի գիշեր իր մահկանացուն կնքած է հայ ժողովուրդի գերմանացի բարեկամը, աստուածաբան եւ արուեստաբան Հերման Կոլց։ Կոլց ՝՝Եոհաննես Լեփսիուսի արխիւներու՝՝ հիմնադիրն ու ղեկավարն էր։ 1998-ին ան գերմանացի եւ հայ գիտնականներու հետ Հալէ համալսարանին մէջ հիմնած է Հայկական Ուսումնասիրութիւններու Կեդրոնը (ՄԵՍՐՈՊ)։ Ան Արմենուհի Տրոսթ-Աբգարեանի հետ թարգմանած է Հայ Առաքելական Եկեղեցւոյ ՝՝Շարակնոց՝՝ը, եւ հայագիտութեան ու հայկական արուեստի մարզին մէջ իր բազմաթիւ աշխատանքներուն համար Հայաստանի պետութենէն բազմաթիւ պարգեւատրումներու արժանացած է։
2007-ին Երեւանի Պետական Համալսարանը զինք պարգեւատրած էր պատուոյ դոկտորայով։ Անոր երկերէն նշենք՝ 2000-ին լոյս տեսած ՝՝Կիլիկիայէն փրկուած հայերու գանձերը՝՝ աշխատութիւնը։