Shkodra shpreson pas rënies së nivelit të ujit, por tani ballafaqohet me të ftohtë
e acartë që vështirëson jetesën e qytetarëve të goditur nga përmbytjet. Përfaqësues
të Shtabit të Emergjencave pohojnë për një zvogëlim të sipërfaqes nën ujë, por situata
mbetet kritike e gjithnjë problematike. Edhe pas rënies së ndjeshme të niveli të ujit,
ende janë 4600 shtëpi të përmbytura e 4630 shtëpi të rrethuara nga uji. 14 210 persona
të evakuuar. Popullsia është ende në emergjencë. Në zonën e përmbytur vijojnë
operacionet e ndihmës për banoret e izoluar. Ne qytetin e Shkodrës kryefamiljaret
e familjeve te përmbytura vijojnë te tërheqin ndihmat pranë shkollave ne mënyrë te
organizuar. Ndërsa ne fshatrat e rrethuara nga uji vijon puna e forcave te ushtrisë
te cilat me atë te helikopterëve apo varkave dhe gomoneve po shpërndajnë ndihma.