Апостальская Сталіца
аднавіла перамовы з Арганізацыяй Вызвалення Палесціны (ААП) на тэму статусу Касцёла
на на палестынскіх тэрыторыях. 7 снежня ў Рамаллахе была праведзена нарада па гэтым
пытанні. Ватыканскую дэлегацыю ўзначаліў прэлат Этторэ Балестрэро, падсакратар па
сувязях з краінамі ў Дзяржаўным сакратарыяце. Адпраўной кропкай для перамоў было пагадненне,
заключанае паміж Ватыканам і ААП ў 2000 годзе.
Прадметам сустрэч з'яўляецца
выпрацоўка агульнага міжнароднага пагаднення, якое будзе рэгуляваць і падтрымліваць
прысутнасць і дзейнасць Каталіцкага Касцёла на палестынскіх тэрыторыях, а таксама
ўмацаванне існуючых дыпламатычных адносін паміж двума бакамі. Было вырашана, што будзе
створана спецыяльнай рабочая група.
Апостальская Сталіца ўтрымлівае так званыя
спецыяльныя дыпламатычныя адносіны з Арганізацыяй Вызвалення Палесціны ад 25 кастрычніка
1994 года. Іх усталяванне (як і адносін ватыкана-ізраільскіх) стала магчымым пасля
падпісання 30 снежня 1993 г. паміж Апостальскай Сталіцай і Ізраілем так званага Асноўнага
пагаднення. Асаблівы характар адносін з Палестынай праяўляецца, у прыватнасці, у тым,
што апостальскі нунцый у Ізраілі, з’яўляецца адначасова апостальскім дэлегатам у Палесціне.
Пры Ватыкане дзейнічае прадстаўніцтва Арганізацыяй Вызвалення Палесціны.