Më 17 dhjetor përurohet Pema e Krishtlindjes në Sheshin e Vatikanit
Më 17 dhjetor do të përurohet Pema e Krishtlindjes në sheshin e Shën Pjetrit në Vatikan,
dhuratë sivjet e Tirolit Jugor. Sheshi i Shën Pjetrit në Vatikan do të ndriçohet më
17 dhjetorin e ardhshëm nga dritat e Pemës së Krishtlindjes, që do të ndihet pasdite,
në ora 16.30 me një ceremoni magjepse e posaçërisht e dashur dhe e pritur nga besimtarët
romak e shtegtarët e vendeve të ndryshme të botës. Pema e këtij viti i është dhuruar
Papës nga Provinca Autonome e Bolcanos e Tirolit Jugor, nga bashkia e Bresanonës e
Shoqata e “Shcutzen” të rrethit Valle Isarco. Në ceremoninë e ndezjes së dritave të
Pemës së Krishtlindjes do të marrin pjesë autoritete civile e kishtare të Tirolit
Jugor si dhe nga Guvernatorati i Vatikanit, kardinali Lakolo, kryeipeshkvi imzot Viganò
e tjerë. Pjesa muzikore do të ekzekutohet nga Kori i Katedrales së Bresanonës, banda
muzikore “Burgerkapelle” e Kori Plose. Pema e Krishtlindjes 2010 vjen nga Bashkia
e Lusonit në Valle Isarco, ka 80 vjet, i lartë 30 metra e një diametër prej 7; në
Vatikan ka mbërrij më 2 dhjetorin e kaluar e është lartuar në sheshin e Shën Pjetrit
një ditë më vonë.