Кітай: паліцыя выкрадае біскупаў для ўдзелу ў Асамблеі Прадстаўнікоў
Кітайская паліцыя
выкрадае біскупаў для ўдзелу ў Асамблеі прадстаўнікоў кітайскіх католікаў - паведамляе
агенцтва “AsiaNews”. У той жа час, агенцтва нагадвае словы з Ліста Бэнэдыкта XVI да
кітайскіх католікаў у 2007 годзе, дзе Папа сказаў, што дзейнасць такога тыпу не можна
пагадзіць з каталіцкай верай.
Адкрытая сёння ў Пекіне Асамблея павінна зрабіць
выбар, між іншым, старшынь Патрыятычнага таварыства кітайскіх католікаў і так званай
Рады кітайскіх біскупаў - не прызнанага Апостальскай Сталіцай аналагу біскупскіх канферэнцыі.
Абедзве гэтыя пасады вакантныя з 2007 і 2005 года, калі памерлі іх кіраўнікі: біскуп
Фу Цішан і біскуп Джозэф Лю Янрэн. Сустрэча праходзіць у таямніцы, аб ёй не інфармуе
нават ўрадавае агенцтва "Сіньхуа". Раней усе ўдзельнікі атрымалі інструкцыі ад “рэжысёра”
гэтай падзеі - віцэ-прэзідэнта Патрыятычнага таварыства Лю Бэйняна. Правядзенне асамблеі
адкладвалася на працягу чатырох гадоў, бо біскупы, выконваючы загад Апостальскай Сталіцы,
ўхіляліся ад удзелу ў такога тыпу мерапрыемстве.
Па дадзеных агенцтва “AsiaNews”,
многія біскупы, не жадаючы прыняць удзел у нарадзе, схаваліся або паінфармалі аб
сваёй хваробе, іншыя былі выкрадзены супрацоўнікамі ўрада і змушаны супраць іх волі
прыняць удзел у гэтым мерапрыемстве. Яшчэ іншыя, ведаючы, што яны не ў стане пазбегнуць
удзелу, вырашылі паехаць у Пекін, але паставілі ўмову, што не будуць канцэлебраваць
св. Імшу з біскупамі, якія знаходзяцца ў стане экскамунікі, прыняўшы біскупскае пасвячэнне
без згоды Святога Айца. На жаль, ёсць таксама біскупы, якія не выказалі ніякага пратэсту.
Найбольш
сур'ёзны інцыдэнт адбыўся ў Хэнгшуй (правінцыя Хэбэй), дзе біскупа Фэнг Ксіньмао схапіла
каля 100 паліцэйскіх, не гледзячы на абарону свайго біскупа вернікамі. Аддзін з абаронцаў
іерарха быў паранены. У апошнія дні біскупа ўтрымлівалі ў ізаляцыі, але вернікі змаглі
вырваць яго з рук паліцыі і даставіць у будынак біскупскай курыі. Пасля доўгіх гадзін
аблогі біскуп Фэнг Ксіньмао быў выкрадзены ўчора каля 20.30 мясцовага часу супрацоўнікамі
кітайскіх служб і дастаўлены ў Пекін для ўдзелу ў Асамблеі прадстаўнікоў кітайскіх
католікаў.
Іншы біскуп, Лі Лянгуй з Кангджоў (правінцыя Хэбэй), сышоў у падполле,
каб пазбегнуць удзелу ў спатканні. У сувязі з гэтым паліцыя пагражала дыяцэзіі, што
калі іерарх не вернецца, будзе паданы ў рэспубліканскі вышук як "небяспечны злачынец".
Скліканне
Асамблеі прадстаўнікоў кітайскіх католікаў і выкраданне біскупаў паклала цень на адносіны
паміж уладамі КНР і Апостальскай Сталіцай. Сур’ёзным ударам было таксама нелегальнае
ўдзяленне біскупскай сакры кс. Го Джынсэю ў Чэнгдэ 20 лістапада. Да ўдзелу ў гэтым
мерапрыемстве былі змушаны восем афіцыйных біскупаў, што Ватыкан назваў сур'ёзным
парушэннем рэлігійнай свабоды і асабістай годнасці біскупаў.