Трохдзённы візіт у
Рым пачала 3 снежня дэлегацыя Сусветнай Рады Цэркваў. Як паведамляе прэс-служба Апостальскай
Сталіцы, ўжо стала традыцыяй, што новыя генеральныя сакратары здзяйсняюць візіт да
Папы.
На працягу амаль года гэту функцыю выконвае нарвежскі пастар Олаф Фікс
Твэйт. Ён прабывае ў Рыме ў суправаджэнні жонкі Ганны Б’ёрватэн і некалькіх асоб з
кіраўніцтва Рады: у прыватнасці, пастара Марціна Робра, адказнага за кантакты з католікамі
і пастара Фулаты Мбано-Мойо, адказнай за пытанні фемінізму.
Сёння дэлегацыя
сустрэлася з кардыналам Куртам Кохам, старшынёй Папскай рады па садзейнічанні хрысціянскаму
адзінству, а затым была прынята на аўдыенцыі Святым Айцом Бэнэдыктам XVI.
Разам
са спатканнямі ў Ватыкане праграмай трохдзённага візіту прадугледжана наведванне пратэстанцкіх
цэркваў Рыма, а таксама візіт у супольнасці св. Ігідзія і руху Фокалараў.