Չեխ Եւ Սլովաք Հանրապետութիւնները Կը Պատրաստուին Լաւագոյն Կերպով Տօնախմբելու Սլաւ
Առաքեալներու` Կիւրեղ եւ Մեթոտիոս Սուրբերու Յոբելեանը։
2013-ին 1.150րդ տարեդարձն է Կիւրեղ եւ Մեթոտիոս սուրբերու Մեծ Մորավիայի թագաւորութիւն
մուտքը ։ Երկու եկեղեցիներու եպիսկոպոսական դասերը մեծապէս կը յուսան որ յոբելենական
տօնախմբութիւնները պսակուին Սրբազան Քահանայապետի ներկայութեամբ։ Արդարեւ անցեալ 10
Նոյեմբերին սլովաք եպիսկոպոսական դասը պաշտօնապէս հրաւէր ուղղած է Պենետիկտոս ԺԶ Քահանայապետին,
գլխաւորելու տօնակատարութիւնը՝ երկու սուրբ եղբայրներու` Կիրեղ եւ Մեթոտիոս առաքելաներու
քարոզութեան սլավ ժողովուրդներուն։ Չեխ եկեղեցւոյ համար տօնակատարութեան վայրը պիտի ըլլայ
Վելեհրատ, իսկ Սլովաք եկեղեցւոյ համար Նիդրա` իշխանական նստավայրը մեծ Նորավիայի թագաւորութեան։
Երկու սուրբ եղբայրներու մասունքները մէկ Յունուար 2011էն սկսեալ պիտի տեղափոխադրուին
թեմէ թեմ առիթ տալու սլաւ ժողովուրդներուն մեծարելու իրենց սուրբ լուսաւորիչները։