Прэзідэнт Казахстана прапанаваў вылучыць рэлігійную талерантнасць у асобнае вымярэнне
АБСЕ
Прэзідэнт Казахстана
Нурсултан Назарбаеў прапанаваў дзяржавам АБСЕ дадаць да трох існуючых вымярэнняў арганізацыі
яшчэ адно - рэлігійную талерантнасць.
"Мы прапануем вылучыць канфесійную талерантнасць
у асобнае вымярэнне. Сёння нам неабходны сумленны, адкрыты міжканфесійны дыялог",
- сказаў ён, выступаючы на пленарным пасяджэнні саміта кіраўнікоў дзяржаў АБСЕ ў Астане.
На
думку Н. Назарбаева, з гэтай мэтай АБСЕ можа выкарыстоўваць З’езд лідэраў сусветных
і традыцыйных рэлігій, які па ініцыятыве Казахстана будзе праводзіцца ў трэці раз
у Астане.
"Мы верым, што хрысціянства, іслам, іудаізм і будызм існуюць сярод
нас, каб ствараць мір, а не варагаваць", - падкрэсліў кіраўнік рэспублікі.
Ён
прапанаваў сумесна распрацаваць дакумент аб цярпімасці і згадаў "спробы публічнай
прафанацыі рэлігійных святыняў".
Па словах Н. Назарбаева, мэтазгодна, каб Каірская
сустрэча Барака Абамы, на якой была выкладзена пазіцыя ЗША па пытаннях умацавання
рэлігійнай талерантнасці, атрымала працяг у канкрэтных кроках АБСЕ.
На сустрэчы
ў Астане знаходзіцца высокая ватыканская дэлегацыя на чале з кардыналам Дзяржсакратаром
Тарчызіо Бэртонэ.