(01.12.2010 RV)33,4 milion banorë të botës jetojnë sot me virusin e Sidës në
trup. Çdo vit regjistrohen 2,6 milion raste të reja dhe 1,8 milion vdekje. Nga të
dhënat e fundit, që u paraqitën sot, në Ditën Botërore kundër Sidës, shihet qartë
se numri i të infektuarve zvogëlohet, por qendra e sëmundjes mbetet akoma Afrika.
Është bërë shumë për kurimin dhe shpërndarjen e ilaçeve për të gjithë, por kjo është
një fushë, ku duhet punuar akoma. Në vitin 2006, shtetet anëtare të OKB-së u impenjuan
që brenda vitit 2010 – pra brenda këtij viti – t’u jepnin të gjithë të sëmurëve me
Sidë mundësi për kurim. Fatkeqësisht, kjo datë duhet shtyrë.