Арцыбіскуп Гаваны
знаходзіцца з візітам у Іспаніі. Кардынал Артэга сустрэўся з мясцовым міністрам замежных
спраў Трынідад Хімэнэс. Тэмай размовы было становішча палітычных зняволеных, якія
- дзякуючы пасрэдніцтву Касцёла - былі вызваленыя кубінскім рэжымам і ў канчатковым
выніку апынуліся ў Іспаніі.
3 ліпеня гэтага года 50 палітычным зняволеным быў
прадастаўлены палітычны прытулак у Іспаніі. Іх суправаджалі каля 200 родных. Тры былыя
зняволеныя адправіліся затым у Чылі, ЗША і Чэхію.
Падчас сустрэчы з міністрам,
кардынал Артэга выказаў вялікую цікавасць да сітуацыі былых зняволеных. Яны таксама
абмеркавалі сітуацыю на Кубе і абвешчаныя ўрадам Рауля Кастра эканамічныя рэформы.
Сеня прайшла сустрэча кубінскага іерарха з былымі палітычнымі зняволенымі.
У
святы Кампастэліянскі год кубінскі кардынал адправіўся таксама ў пілігрымку да магілы
апостала Якуба.