У Чэнстахове адбываюцца рэкалекцыі, арганізавацыя “Cor Unum”
З 29 лістапада па
3 снежня 2010 года Папская рада “Cor Unum” арганізуе рэкалекцыі для адказных за касцёльную
дыяконію на Еўрапейскім кантынэнце. Рэкалекцыі пройдуць у санктуарыі на Яснай Гары
ў Чэнстахове (Польшча).
Гэта будзе трэці тыдзень духоўнасці арганізаваны Ватыканам,
пасля тых, якія прайшлі у 2008 г. для Амерыканскага кантэнента і ў 2009 г. для Азіі.
Тэма, якая была прапанавана для разважання, заключана ў словах з кнігі прарока Ісаі
“Вось я Пане” (Іс 6,8). Натхненнем для рэкалекцый з’яўляецца энцыкліка Бэнэдыкта XVI
“Deus caritas est” (Бог ёсць любоў), прысвечаная прыродзе і практыкаванню хрысціянскай
любові, якая заўсёды патрабуе “вяртання да сваіх каранёў”, каб быць сапраўдным сведчаннем
любові Бога да церпячых і тых, хто ў патрэбе; фармацыі сэрца, якая патрабуе ад слугаў
любові вельмі глыбокага духоўнага жыцця, якое мае карані ў Хрысце і ў прыналежнасці
да Касцёла.
Курс будзе сканцэнтраваны на трох практыках: “унутранай цішыні”,
Эўхарыстыі, малітве Нешпараў і Ружанцы, а таксама на слуханні разважанняў і братэрскай
супольнасці.
Чакаецца, што ў рэкалекцыях прымуць удзел каля 320 чалавек з 26
краін, сярод якіх некалькі кардыналаў і каля 50 біскупаў.