“L'Osservatore Romano” аб езуіту, які "навучыў кампутар пісаць"
97 гадоў адзначае
сёння легендарны кс. Раберта Буса. "L'Osservatore Romano" змяшчае ў сённяшнім выданні
інтэрв’ю з юбілярам, які – як сцвярджае аўтар Стэфана Лорэнцэтто - "навучыў кампутар
пісаць". "Калі існуе тэхналагічная святасць – піша італьянскі журналіст - думаю, што
я сустрэў яе ў асобе Рабэрта Буса, езуіта.
"Таму стань на калені і ты, чытач,
перад шаноўным святаром, лінгвістам, філосафам і праграмістам, калегай якога па семінарыі
быў Альбіна Лучані, будучы папа Ян Павел I. Калі ты карыстаешся Інтэрнэтам, ты павіннен
быць удзячны яму. Калі ты пераходзіш з аднаго сайта на іншы, карыстаючыся спасылкамі,
вылучанымі сінім колерам, ты павіннен сказаць дзякуй яму. Калі карыстаешся кампутарам,
каб пісаць электронныя лісты і дакументы, ты павіннен быць удзячны яму", - піша італьянскі
журналіст, апавядаючы аб кс. Буса.
Ларэнцэтто нагадвае, што "кампутар быў народжаны
толькі для таго, каб лічыць". "Але, кс. Буса даў яму дар слова. Гэта адбылося ў 1949
годзе. Езуіт вырашыў прааналізаваць усе працы св. Тамаша Аквінскага: 1,5 млн радкоў,
9 млн. словаў. Ён ужо прааналізаваў 10 тыс. выпадкаў толькі слова “in”, якое лічыў
важным з пункту гледжання філасофіі. Ён безпаспяхова спрабаваў знайсці спосаб звязаць
паасобныя часткі думкі св. Тамаша Аквінскага і супрацьставіць іх з іншымі крыніцамі",
- чытаем у артыкуле.
Публіцыст нагадвае, што падчас свайго візіту ў Злучаныя
Штаты Амерыкі кс. Буса папрасіў аб сустрэчы Томаса Уотсана, заснавальніка “IBM”.
Стары магнат прыняў яго ў сваім офісе ў Нью-Ёрку. "Слухаючы італьянскага святара,
пакруціў галавой і сказаў: "машыны, не выконваюць тое, што вы ў мяне просіце. Вы хочаце
быць больш амерыканскім, чым мы". Тады, кс. Буса дастаў з кішэні картку, з напісаным
дэвізам, які прыдумаў сам заснавальнік фірмы “IBM”. На картцы было напісана "Тое,
што цяжка – вырашаем адразу, на тое, што немагчыма – нам трэба крыху часу". Старшыня
IBM, закрануты за жывое, сказаў: "Добра. Паспрабуем". З гэтага выкліку, які паставілі
перад сабой два геніі, нарадзіўся гіпертэкст", - піша Ларэнцэтто.
Сам юбіляр
кажа, што Космас - гэта гіганцкі кампутар. Распрацоўшчык, з’яўляецца таксама яго стваральнікам.
Мы называем Бога Таямніцай, таму што не можам сустрэцца з ім у схемах паўсядзённай
мітусні. Але Евангелле запэўнівае нас у тым, што дзве тысячы гадоў таму, ён сышоў
з нябёсаў", - кажа кс. Буса. Італьянскі езуіт прызнае, што ў жыцці ён прысвечаў больш
часу на навуку, чым на малітву, але не адчувае сябе ў гэтым вінаватым.