У касцёле св. Стэфана
на тэрыторыі Ватыкана была выстаўлена труна з целам Мануэлы Камані, якая памерла 24
лістапада ў выніку траўмаў, атрыманых у дарожна-транспартным здарэнні (яна трапіла
пад машыну на вуліцы ў Рыме). Была адной з чатырох жанчын з асацыяцыі Memores Domini,
якія займаюцца папскімі апартаментамі. У той жа дзень за яе маліўся Бэнэдыкт XVI,
які размясціў у “L'Osservatore Romano” некралог памерлай.
Як паведамляе сённяшнее
выданне ватыканскай газеты, труна застанецца ў касцёле да 14.00 гадзіны сённяшняга
дня і затым будзе перавезена ў родны горад Мануэлы Камані - Сан-П'еро ін Баньё ў рэгіёне
Раманья, дзе ў панядзелак адбудзецца яе пахаванне. Цырымонія пройдзе пад старшынствам
ардынарыя архідыяцэзіі Модэна-Нонантола, арцыбіскупа Антоніо Ланфранкі.