Հայաստան Համահայկական Հիմնադրամի Հաւաքած Գումարները։

Հայաստան համահայկական հիմնադրամի Լիբանանի Գործադիր մարմինը ուրախութեամբ կը յայտարարէ, որ այս տարուան իր Ռատիոթոնին հանգանակուեցաւ շուրջ 150,000 ամերիկեան տոլար՝ շնորհիւ համայն լիբանանահայութեան մասնակցութեան Այս տարուան գումարը պիտի յատկացուի Արցախի Մարտունի մարզի Սարգսաշէն գիւղի ջրամատակարարման ծրագիրին։ Իսկ Լոս Ընճըլըսի մէջ Հայաստանի համահայկական հիմնադրամի կազմակերպութեամբ 25 նոյեմբերին տեղի ունեցած Թելեթոնի ժամանակ Հայաստանի եւ Լեռնային Ղարաբաղի գիւղերու զարգացման համար հաւաքուած է 20.9 միլիոն տոլար։