Магчымы візіт Святога Айца ў Манака ў 2012 г.

Святы Айцец Бэнэдыкт XVI магчыма наведае Манака ў першай палове 2012 года – пра гэта заявіў Генеральны вікарый мясцовай дыяцэзіі ксёндз прэлат Рэнэ Джуліана.

«Візіт запланаваны і з часам становіцца ўсё больш верагодным, хіба што з’явяцца якія-небудзь важныя перашкоды, напрыклад, звязаныя са станам здароўя Святога Айца», — сцвердзіў прэлат.

Больш за 83% з 32 тысяч жыхароў Манака вызнаюць каталіцтва.