ՀԱՅԱՍՏԱՆԸ ՅԱՂԹԱԿԱՆ՝ ԱՅՍ ՏԱՐՈՒԱՅ ՝՝ՄԱՆԿԱԿԱՆ ԵՒՐԱՏԵՍԻԼ-Ի ՝՝ ՄՐՑՈՒՄԻՆ ։
Հայաստանը ներկայացնող Վլատիմիր Արզումանեան իր հեղինակած «Մամա» երգով յաղթական հանդիսացաւ
նոյեմբեր 20-ին Մինսկի մէջ կայացած «Մանկական Եւրատեսիլ - 2010» երգի մրցումին: Հայաստան
առաջին անգամ է յաղթական դուրս կուգայ համաեւրոպական երգի այս փառատօնէն : 14 երկիրներու
քուէարկութեան և Ժիւրիի անդամներու որոշումովը 12-ամեայ Վլատիմիրը 120 քուէով գրաւեց
առաջին տեղը` իր ետին թողլով՝ Ռուսաստանը (119 քուէ ), Սերպիա-ն (113 քուէ), Վրաստանը
(109 քուէ) և Պիէլոռուսիա-ն (85 քուէ): Մրցումէն ետք կատարուած մամլոյ ասուլիսի
ընթացիքն Վլատիմիր ըսած է որ ՝՝մրցումի նախօրեակին երազեցի թէ մրցումին ես էի որ կը
յաղթէի ՝՝ ։Հայաստան առաջին անգամ «Մանկական Եւրատեսիլ» երգի մրցումին մասնակցած է
2007-ին: Այդ տարի «Արևիկ» խումբը 2-րդ հանդիսացած էր: Իսկ 2008-ին, Հայաստանի ներկայացուցիչ
Մոնիկա Մանուչարովան կը գրաւէր 8-րդ տեղը, հուսկ՝ 2009-ին Լուարա Հայրապետեանը 2-րդ
կը հանդիսանար : Վլատիմիր Արզումանեան Ստեփանակերտ ծնած է՝երաժիշտ-մանկավարժներու
ընտանիքի մը մէջ։