Памёр кардынал Урбан Наварэттэ

Бэнэдыкт XVI скіраваў тэлеграму са спачуваннямі на імя генерала ордэна Езуітаў Адольфа Нікаласа Пашона ў сувязі са смерцю кардынала Урбана Наварэттэ, які належаў да гэтага ордэну.

У сваёй тэлеграме Папа адзначыў сведчанне хрысціянскага жыцця, якое даваў кардынал Наварэтта, а таксама ўзор яго служэння ў справе выхавання маладога пакалення, асабліва святароў.

Кардынал Наварэттэ, вядомы іспанскі тэолаг і выкладчык, былы рэктар Папскага Грыгарыянскага універсітэта ў Рыме, аўтар больш за 150 навуковых прац. На працягу многіх гадоў з’яўляўля дарадчыкам Кангрэгацыі па справах Кананізацыі, Кангрэгацыі Веравучэння, Камісіі па рэформе Кананнічнага права, Сакратарыята па спрыянню хрысціянскаму адзінству.