Կարտինալներու Ժողովը՝ Քահանայապետի Ներկայութեամբ - Պատմական Տեղեկութիւններ։
Եկեղեցւոյ սկզբնական շրջանին Կարտինալներու Համահաւաք դասը կազմուած էր Հռոմի երիցատուներու 25 պատասխանատուներէն , 7 նահանգային սարկաւագներէ, արքունական պալատի 6 սարկաւագներէ ու քաղաքի 7 արուարձաններու եպիսկոպոսներէն, որոնք Սրբազան Պապին խորհրդատուներն էին։ 1150թուականէն ի վեր Կարտինալներու Համահաւաք դասը ունէր երիցագոյն կարդինալ մը որ Հռոմի շրջանի Օսդիայ մարզի եպիսկոպոսն էր, եւ սենեկապետ մը որ ինչքերու մատակարարն էր։1159 ի վեր Կարտինալական Համահաւաք Դասը եղաւ Հռոմի Քահանայապետը ընտրող վարչական Մարմինը։ ԺԲ դարէն ի վեր Կարտինալական Դասին մաս կազմեցին նաեւ Հռոմէն դուրս գտնուող բարձրաստիճան եկեղեցականներ։
Կարտինալական դասի թիւը ԺԳ. էն ԺԵ. րդ դարեր եղած է երեսուն իսկ Պօղոս Ե.րդ 1586- ին անոնց թիւը բարձրացուցած է 70-ի ։
Կարտինալները ունին Ծիրանաւորի տիտղոս եւ ունին Վատիկանեան Պետութեան Հպատակութիւնը։ Երջանկայիշատակ Յովհաննէս ԻԳ հաստատած է թէ բոլոր Կարտինալները նախ ունենան Եպիսկոպոսի Աստիճան։ Պօղոս Զ.րդ Սրբազան Քահանայապետը 21 նոյեմբեր 1970-ին հրատարակած ՝՝Motu Proprio Ingravescentem aetatem՝՝ Ինքնայօժար Գիրով հաստատած է թէ ՝՝կարտինալները որոնք կը բոլորեն իրենց 80.րդ տարեդարձը կը դադրին մաս կազմելէ Կարտինալական ընտրող Համահաւաք Դասին եւ այդ առթիւ որոշելով Ընտրական Դասի մասնկացող Կարտինալներու թիւը որպէս 120 ։ Յովհաննէս Պօղոս Բ.երջանկայիշատակ Քահանաապետը թէեւ հաստատած էր նոյն թիւը սակայն երկու անգամուայ համար 135ի բարձրացուցած էր կարտինալական դասի թիւը։ Իսկ Պենետիկտոս ԺԶ.րդ կրկին հաստատեց Պօղոս Զ.րդի Օրէնքը մարտ 2006ին, եւ նոյեմբեր 2007-ի Կարտինալական ընդհանուր Ժողովներու առթիւ։
Կարտինալական դասը բաժնուած է երեք մասերու ։ Եպիսկոպոսական, Քահանայական եւ Սարկաւագային եւ կը նշանակուին Սրբազան Քահանայապետի ազատ կամքով ։ Կարտինալական Դասը կը համագործակցի Սրբազան Քահանայապետին հետ սովորական եւ արտակարգ ժողովներուն մասնակցելով։
Երջանկայիշատակ Յովհաննէս ԻԳ.րդ երկու անգամ գումարած է Կարտինալական Ժողովը 1958ին եւ 1962ին ,Պօղոս Զ.րդ 6 անգամ , Յովհաննէս Պօղոս Բ.ը 9 անգամ եւ Պենետիկտոս ԺԶ.րդ Սրբազան Քահանայապետը ներկայ ժողովով 3 անգամ գումարած կ՝ըլլայ, առաջին երկուքը 2006ին եւ 2007ին։
| All the contents on this site are copyrighted ©. |